मोदी गाउँपालिका गण्डकी प्रदेशकै पहिलो ‘बालमैत्री स्थानीय शासनयुक्त तथा बालश्रममुक्त’ गाउँपालिका घोषणा भएको छ ।
प्रदेशमा रहेका ८५ वटा स्थानीय तहहरूमध्ये मोदीमा बालबालिकाको अधिकार, संरक्षण, विकास, सहभागिता तथा संस्थागत व्यवस्थापनलाई केन्द्रमा राखेर गरिएको समग्र मूल्याङ्कनमा ९८ प्रतिशत सफलता हासिल गरेपछि यो घोषणा गरिएको हो । बालमैत्री स्थानीय तह बनाउनका लागि सबै सूचकहरू पुरा भएपछि दिगोपनाको पाँच वर्षे योजना सहित ‘बालमैत्री स्थानीय शासनयुक्त तथा बालश्रममुक्त’ गण्डकी प्रदेशका माननीय मुख्यमन्त्री सुरेन्द्रराज पाण्डेको प्रमूख आतिथ्यमा घोषणा गरिएको छ ।

मोदी गाउँपालिकाको गाउँ सभाको १९ औ अधिवेशनमा आ.व २०८३/८४ को नीति तथा कार्यक्रम, बजेट वक्तव्य, आर्थिक विधयेक, विनियोजन विधयेक, न्यायिक समितिको बार्षिक प्रतिवेदन, राजस्व समितिको अध्ययन प्रतिबेदन, सार्वजनिक लेखा समितिको प्रतिवेदन, म.ले.प को बार्षिक प्रतिबेदन,विभिन्न विषयगत समितिहरूको प्रतिवेदन तथा चालु आर्थिक वर्षको प्रगति प्रतिवेदन सभामा पेश भई छ्लफल सहित सर्वसमम्त पारित गर्दै गाउँ सभाको १९ औ अधिबेशन सम्पन्न भएको छ।