मोदी गाउँपालिकाले आफ्नो पाँचौ स्थापना दिवश एक विशेष कार्यक्रमका बीच मनाएको छ । स्थापना दिवश समारोहमा जनप्रतिनिधिबाट ५ वर्षे कार्यकालको अनुभव आदनप्रदान गर्दै स्थापना दिवस मनाएको हो । पालिकाले आव २०७७/७८ मा विभिन्न विधामा उत्कृष्ट कार्यसम्पादन गर्ने कर्मचारी, शिक्षक, विद्यालय व्यवस्थापन समिति, उपभोक्ता समिति, विद्यार्थी, उद्धमी तथा कृषकहरुलाई नगद पुरस्कार र सम्मान पत्र सहित सम्मान समेत गरेको छ ।

मोदी  गाउँपालिका गाउँ सभाको १० औ (हिउँदे अधिवेशन) मोदी  गाउँपालिकाका अध्यक्ष श्री प्रेम शर्मा पौडेल  ज्यूको अध्यक्षतामा सम्पन्न भएको छ । गाउँपालिकाको सभाहलमा आयोजित हिउँदे अधिवेशनबाट शिक्षा ऐनको दोस्रो संसोधन २०७८ ,कर्मचारीको सेवा सुबिधा सम्बन्धि ऐन २०७८, चालु आर्थिक वर्षको हालसम्म कार्यपालिकाले गरेका निर्णयहरू अनुमोदन, विभिन्न योजना तथा कार्यक्रम हेरफेर तथा संसोधन, र गाउँपालिका भित्रका अति महत्त्वपूर्ण योजनाहरू प्राथमिकीकरण गरी प्रदेश र सङ्घीय सरकार तथा आयोग समक्ष माग गर्ने प्रस्तावहरूको विषयमा छलफल गरी पारित गरिएको छ ।

आ.व २०७७/७८ को बार्षिक प्रगति समिक्षा गोष्ठी सम्पन्न भएको छ । भाद्र २ र ३ गते दुई दिन चलेको गोष्ठीमा गाउँपालिका अध्यक्ष, उपाध्यक्ष, प्रमुख प्रशासकीय अधिकृत, सम्पुर्ण वडा अध्यक्ष, कार्यपालिका सदस्य तथा सम्पूर्ण शाखा/इकाइ प्रमुख र वडा सचिवको उपस्थितिमा सम्पन्न भएको छ। वडाका गतिविधि वडा सचिव तथा गापाका शाखाका गतिविधि, खर्च विवरण, खर्चको प्रभावकारीता , स्थानीय तहका अवसर चुनौति तथा आगामी दिनको कार्यदिशा समेतमा शाखा/इकाई प्रमुखहरूले प्रस्तुत गर्नुभएको थियो । २०७७/७८ मा भएगरेका सम्पुर्ण गतिविधिलाई विस्तृतमा अनिवार्य रूपमा पावरपोइन्ट मार्फत प्रस्तुत गरिएको छ । समिक्षामा समग्र शासन विकास र सेवाप्रवा