मोदी गाउँपालिका गाउँसभाको ११ एघारौं अधिवेशन यहि मिति २०७९ असार १० गते सम्पन्न भएको छ। गाउँसभाले आर्थिक वर्ष २०७९/८० को नीति तथा कार्यक्रम, आर्थिक ऐन २०७९, विनियोजन ऐन, २०७९ तथा बार्षिक बजेट तथा योजना कार्यक्रम पारित गरेको छ |  के छ मोदी गाउँपालिकाको आगामि आ व २०७९-८० को वार्षिक बजेट र निति तथा कार्यक्रम भित्र ?, यस्तो छ बजेटको पुर्ण पाठ तल रहेको मोदी गाउँपालिकाको वेवसाइड लिंकमा गएर यहाँहरुले पढ्न तथा डाउनलोड गर्न सक्नुहुनेछ ।

मोदी गाउँपालिकाले आफ्नो पाँचौ स्थापना दिवश एक विशेष कार्यक्रमका बीच मनाएको छ । स्थापना दिवश समारोहमा जनप्रतिनिधिबाट ५ वर्षे कार्यकालको अनुभव आदनप्रदान गर्दै स्थापना दिवस मनाएको हो । पालिकाले आव २०७७/७८ मा विभिन्न विधामा उत्कृष्ट कार्यसम्पादन गर्ने कर्मचारी, शिक्षक, विद्यालय व्यवस्थापन समिति, उपभोक्ता समिति, विद्यार्थी, उद्धमी तथा कृषकहरुलाई नगद पुरस्कार र सम्मान पत्र सहित सम्मान समेत गरेको छ ।

मोदी  गाउँपालिका गाउँ सभाको १० औ (हिउँदे अधिवेशन) मोदी  गाउँपालिकाका अध्यक्ष श्री प्रेम शर्मा पौडेल  ज्यूको अध्यक्षतामा सम्पन्न भएको छ । गाउँपालिकाको सभाहलमा आयोजित हिउँदे अधिवेशनबाट शिक्षा ऐनको दोस्रो संसोधन २०७८ ,कर्मचारीको सेवा सुबिधा सम्बन्धि ऐन २०७८, चालु आर्थिक वर्षको हालसम्म कार्यपालिकाले गरेका निर्णयहरू अनुमोदन, विभिन्न योजना तथा कार्यक्रम हेरफेर तथा संसोधन, र गाउँपालिका भित्रका अति महत्त्वपूर्ण योजनाहरू प्राथमिकीकरण गरी प्रदेश र सङ्घीय सरकार तथा आयोग समक्ष माग गर्ने प्रस्तावहरूको विषयमा छलफल गरी पारित गरिएको छ ।